|
Føddur á Tvøroyri 1. mai 1943 - meira deyður enn livandi - fekk navn (varð doyptur) dagin eftir - eitur eftir pápasystur míni Lenu, ið búði í Sandvík, men andaðist í bestu árum.
Foreldur: Thomasia Niclasen, f. Thomasen á Giljanesi í Vágum og Hentzar Niclasen, kongsbóndi á Hamri í Hvalba.
Arbeiddi aftan á barnaskúlan í kolinum. Var í Grønlandi 1960 og 1961 og arbeiddi á landi í Føroyingahavnini fyri Nordafar.
Tók prógv frá Føroya Læraraskúla í 1967. Var settur sum lærari við Hvalbiar skúla 1. august 1967. - Hevur verið skúlaleiðari við Hvalbiar skúla frá 1. august 1979.
Verið á Fróðskaparsetri Føroya og fullført nám í føroyskum og bókmentum 1969 - 70.
Aftur á Fróðskaparsetri Føroya og fullført skeið - Guð viti til hvørja nyttu - í uppalingarfrøði og sálarfrøði - kristni / religión - mállæru - fornnorrønum og málsøgu - týðing og málrøkt - eldri bókmentum - bókmentaundirvísing og nýføroyskum bókmentum - føroyskari mentan og siðsøgu - søgu - Ongantíð biðin sum próvdómari t.d.
Medarbeiðari á Dagblaðnum 1971 - 73 og havt fastan tátt í blaðnum undir heitinum Gaman og Álvara.
Havi givið út bøkur - goldnar úr egnum lumma:
Hvirlur (yrkingasavn) 1970
Eg eri í iva (yrkingasavn) 1970
Tey í urðini (søgusavn) 1973
Reyðibarmur (yrkingar og stuttsøgur) 1974
Viðrák og Mótrák (yrkingasavn) 1975
Óttast ikki (yrkingasavn) 1975
Nívandi niða (yrkingasavn) 1983
Lovað er lygnin (yrkingasavn) 1983
Eg eigi eina mynd (yrkingasavn) 1987.
Týðingar:
Eydnuríki prinsurin (O. Wilde) (Føroya Lærarafelag 1977)
Heilaga landið (Pär Lagerkvist) (felagið Varðin 1986).
Giftist 3. juli 1971 við Súsonnu Niclasen, f. Holm. Hon er fødd í Hvalba 10. september 1950. Vit eiga í hjúnalagnum tríggjar synir, ið eita:
Tórarinn, Tóroddur og Njálur.
Tilskrift: 850 Hvalba. Tlf. 75209
|
